الرسم دة عالم تاني خالص واللي يدخل فيه يتوه بس يتوه احلي توهة
لان الرسم فن جميل جدا واللي بيكون محترف رسم بيكون دايما شخص جميل وذوق وحسه
الفني عالي وراقي جدا
وكمان الرسم مش مجرد رسمة بيرسمها الرسام وخلاص
الرسم هو أن الرسام بيطلع كل طاقته في الرسم
يعني لو الرسام حزين بيمسك الفرشة واللوحة ويرسم ويطلع كل الحزن اللي جواه
زي اكنه اتكلم وفضفض مع حد بس هو هنا اتكلم وفضفض مع اللوحة ودي حاجة
بتريحه اكتر من الكلام مع شخص ممكن ميفهمش ايه اللي جواه بالضبط
انما من وجهة نظره ان اللوحة بتفهم اللي جواه اكتر من الشخص
وكمان فيه ناس اكل عيشها من الرسم وبترسم لوحات وبتبعها وبترسم اشخاص لما حد يطلب
منهم