مرة كان فيه اسد بيخوف الحيوانات كلها وكان بيحب انه يأذي الحيوانات الضعيفة
وهنا قررو كل الحيوانات اللي موجودة في الغابة انهم يكونو ايد واحدة ويتحدو الاسد عشان
ميستمرش في ايذائهم
وعملو خطة مع بعض انهم يحبسو الاسد وفعلا الخطو بتاعتهم كانت ناجحة جدا ونجحو في
ان هما يحبسو الاسد
وحسو بفرحة انهم قدرو يتخلصو من ايذاء الاسد وكانو حاسين بالامان والطمأنينة
ومرة مر ارنب جمب القفص اللي كان محبوس فيه الاسد
والاسد اترجا الارنب انه يخرجو من القفص دة ولكن الارنب رفض انه يساعد الاسد
لكن الاسد الح عليه ووعده انه لو خرجه مش هيأذي اي حيوان تاني وهيعيش معاهم
في سلام وهدوء
وفعلا الارنب صدق كلام الاسد وفتحلو القفص وخرجه
واول ما خرج الاسد مسك الارنب وقاله انت اول فريسة ليه وطبعا الارنب خاف وبدأ
يصرخ ويطلب النجده
وكان فيه ثعلب موجود وسمع صوت صراخ الارنب وراح ناحية الصراخ ولقي الاسد ماسك الارنب
ووجه للاسد كلام وقاله انا سمعت انك كنت محبوس رد الاسد قاله فعلا انا كنت
محبوس في القفص دة
رد عليه الثعلب قاله انت كداب ازاي القفص دة يسيعك وانت حجمك كبير
والاسد عشان الثعلب يصدقه دخل جوه القفص عشان يثبتله انه فعلا كان في القفص
وهنا الثعلب جري بسرعة وقفل علي الاسد الباب
وحبسه تاني وقال للارنب اياك انك تدي الامان لاي حد بسهولة
قصص قصيرة للاطفال
قصة مشوقة للصغار
قصة قصير للطفل
