من الأكلات السريعة مبتاخدش وقت إطلاقا والسهلة هي الباستا
واللي ممكن تدخل في أكثر من وصفة وتتعمل بطرق مختلفة ومع
أي مكون، عشان نعمل الوصفة دي هنحتاج لمكرونة شرايط مع
كيلو جمبري وممكن نزود، وعشان الصوص هنبقى عايزين 2 معلقة
من السمنة و3 ملاعق من الطحين ولتر حليب ونص كاس من المياه
مع شوية توابل و2 معلقة حباش، أول حاجة هنسلق المكرونة الشرايط
ونسيبها، أما الجمبري فهنسلقه برضه ونعمل منه شوربة ونسيبها
وناخد الجمبري ننظفة من القشرة وبعدها يتشوح مرتين كده ونسيبه
ونبدأ نعمل الوايت صوص هنحط معلقتين السمنة و الحليب والملح
ومعاهم التوابل والطحين لو مش عايزة تحطي مياه حطي شوربة
الجمبري بنفس المقدار واخيرا حطي 2 معلقة الحباش، بعدها نقعد
نقلب في الخليط ده بطريقة كويسة جيدا ونحط عليهم الجمبري المتقشر
ونقلبهم تاني مع بعض، بعدها هنحط المكرونة لو حاسة الصوص خفيف
زودي شوربة عشان يتقل أو يبقى قوامه زي ما تحبي، وتتاكل سخنه
وبألف عافية وهنا ممكن تزودي عليها فلفل ألوان بيدي طعم وشكل أحلى.
طريقة عمل الباستا
باستا بالصوص الابيض والجمبري هتاكلي صوابعك وراها
طرق عمل الباستا
