الكوميديا هى شعور مهم جدا فى حياة الإنسان لإن تأثيرها بيبقى إيجابى ولما الفرد يبدأ
يومه بالكوميديا يومه بيبقى مليان بالنشاط والبهجة اللى بتسبب الحيوية

من السهل قوى إن كلمات الحزن لإن الإنسان بيحزن بسهولة جدا لكن من الصعب تقديم 
حاجة كوميدية ضاحكة ولكن كلما كانت الكلمات بسيطة تسبب ضحك أكثر

من أهم الفنانين اللى قدموا الكوميديا الفنان المصرى إسماعيل يس اللى بقى أيقونة الضحك فى
الخمسينات والستينات وكمان الفنان عادل إمام اللى لغاية النهاردة هو رمز الكوميديا فى مصر والعالم
العربى

والفنان على الكسار اللى اتولد فى القاهرة وكان سروجى وبعدين بقى طباخ وبعد كدة بقى
ممثل من أفضل ممثلين الكوميديا اللى قدموا الشخصية النوبية بشكل أحبه الجميع

وكمان الفنان الشاب محمد هنيدى اللى بدأ حياته الفنية بدور صغير فى فيلم اسكندرية ليه
مع المخرج الكبير يوسف شاهين وده كان بعد تخرجه فى معهد السينما وله أفلام كتيرة
كوميدية سواء كان بيقدم فيها دور ثانى أو السنيد زى فيلم اسماعيلية رايح جاى أو
فيلم بخيث وعديلة أو كان البطل الأول زى فيلم سور الصين العظيم وهمام فى امستردام

والفنان المسرحى اللامع محمد نجم اللى قدم مسرحيات كتيرة جدا اشتهر فيها بحركاته الكوميدية الخاصة
وطريقة كلامه المضحكة وكمان قصة شعره اللى كانت بتميزه فى الوقت ده

وأسطورة الكوميديا الفنان الرائع عبد المنعم مدبولى اللى بدأ حياته العملية كمذيع فى الإذاعة من
خلال برنامج ساعة لقلبك وبعدين شارك فى مسرح التليفزيون وعمل فرقة خاصة به وقدم لنا
أعمال مسرحية متميزة كان آخرها مسرحية ريا وسكينة مع الفنانتين الجميلتين شادية وسهير البابلى

والفنان الاسكندرانى سمير غانم اللى كان واحد من فريق ثلاثى أضواء المسرح وكان معاه الضيف
أحمد وجورج سيدهم وقدموا مسرحيات وأفلام كتيرة واستعراضات غنائية كوميدية وبعد وفاة الضيف أحمد انفصل
سمير عن جورج وبدأ كل واحد فيهم يشق طريقه الفنى لوحده بس طبعا قدموا مسرحيات
كوميدية  لسة فى ذاكرة الجميع لغاية النهاردة مع بعض ومنهم مسرحية المتزوجون

صباح الخير مضحكة

صباح جميل بطعم الكوميديا

رسائل كوميدية للصباح