الست كل ما كان جمالها طبيعى كلما كانت أكثر جاذبية ونضارة وكمان بتحافظ على صحة
بشرتها ويفضل شكل بشرتها زى بشرة الأطفال علشان أدوات التجميل بيبقى فيها مواد كيماوية بتإذى
البشرة

وكمان الست لما تبقى حلوة من غير أى أدوات تجميل بتفضل حلوة من غير قلق
ولا خوف من العرق أو البهدلة مثلا فى المواصلات أو إنها تبقى فى المطر لإن
الجمال ده بيبقى ثابت مش بيتأثر بأى عوامل جوية

وكمان المساحيق دى بتمنع البشرة من إنها تتنفس وبتقفل المسام وده طبعا بيخليها تصاب بدرى
بالعجز وكمان شكلها بيبقى شاحب وعشان كده لازم الست قدر استطاعتها إنها تحافظ على شكلها
بشكل ما يسببش أى أذى

يعنى الست لازم تنام وقت كافى لإن البشرة بتتغذى وقت النوم وكل ما كان نومها
هادى كل ما كان شكل بشرتها أفضل وكمان لازم تاكل أكل متوازن لإن البشرة زى
باقى أعضاء الجسم بتاخد من الفيتامينات اللى موجودة في الأكل وبرضه لازم ما تتعرضش للشمس
فى الوقت من الساعة 11 الظهر لغاية الساعة 4 العصر وممكن تتعرض للشمس قبل أو
بعد الوقت ده علشان تفيد العظم والبشرة برضه بالأشعة فوق البنفسجية المفيدة اللى بتبقى موجودة
فى الشمس أول الشروق وقبل الغروب مباشرة

وعلشان البشرة ما تبقاش جافة لازم ترطبها بصفة مستمرة وده عن طريق المياه يعنى تشرب
ميه كتير وتكون معدنية علشان ضمان عدم وجود أى بكتيريا ضارة فى الميه ويبقى شربها
للميه مضر  وكمان ممكن تستخدم معكبات الثلج علشان تتخلص من حروق البشرة واحمرارها وكمان تنشط
الدورة الدموية فى بشرتها

ممكن الست تستعمل منتجات طبيعية بديلة للماكياج يعنى ممكن استخدام الكركديه بدلا من البلاشر بتاع
الخدود وده عن طريق غلى شوية من الكركديه فى نصف كوباية ميه وتتساب على النار
لغاية ما الميه تقل خالص وبعدين نسيبها تبرد شوية وبعد كده تستخدم المياه على البشرة

وكمان ممكن نستخدم زيت الزيتون لإطالة الرموش وده عن طريق وضع الزيت فى علبة ماسكرا
فاضية وتدهن بها الرموش مرتين مرة بالنهار ومرة بالليل

وكمان ممكن تستخدمى لبن الزبادى أو اللبن الرايب ومعاه الخيار لمدة ربع ساعة على البشرة
ويا حبذا لو أضيف لها عصرة ليمون أو معلقتين من عصير البرتقال

وممكن استخدام ماء الورد وبودرة الثلج وملعقة من البن والكركم لنضارة البشرة وطبعا الكركم بيدى
لون أصفر للوجه وعلشان كده ممكن نمسح الوجه بقطنه مبلولة حليب وطبعا ممكن نستعمل عسل
النحل خصوصا للبشرة الحساسة لإنه مش بيعمل آثار جانبية

وكمان ممكن نعمل تونر للوجه طبيعى وده عن طريق الأرز وده بيبقى بطريقتين إما إننا
ننقع الأرز شوية لغاية ما يبقى شبه بايش ونطحنه بعد كده فى الخلاط ويستخدم زى
الكريم يتحط على الوش لغاية ما ينشف وبعدين يشطف بمياه دافية

الطريقة الثانية الأرز يسلق وتتاخد الميه بتاعت السلق دى ويتدلك الوجه بيها بس لازم تتساب
فى الثلاجة لمدة ما تزيدش عن 5 أيام ولو فيه هالات سوداء نستخدم بطاطس تتحط
على الأماكن اللى فيها الهالات وبعد كده البشرة تتشطف بميه من الحنفية

وصفات طبيعية للاستغناء عن مستحضرات التجميل

وجهك أحلى بدون ماكياج

أجمل الوصفات الطبيعية لبشرة نضرة ومشرقة