كل سيدة بتحلم تكون أم حتى من قبل زواجها دايما بتحلم باليوم اللى هتتجوز فيه
وتبقى أم لطفل جميل وعشان كده فيه حاجات ممكن تسهل حدوث الحمل بإذن الله
أول حاجة لازم الست اللى بتفكر فى الحمل بجد إنها تروح للدكتور علشان تسأله عن
الفيتامينات اللى هى محتاجاها علشان لما يحصل الحمل بإذن الله تبقى هى وطفلها بصحة كويسة
وطبعا أهم حاجة الدكتور بيوصفها هو حبوب حمض الفوليك اللى الست بتفضل تاخدها على الأقل
لغاية الشهر الثالث من الحمل
ولازم الست تلتزم بالتعليمات اللى الدكتور بيقولها كويس جدا علشان ان شاء الله تقدر تحمل
بسهولة وبشكل سريع ومن أهم الحاجات اللى لازم تلتزم بها الزوجة هى العلاقة الحميمة فى
أيام التبويض اللى بيحددها لها الدكتور لو هى مش بتعرف تحسبها لنفسها لإن دى الأيام
اللى الخصوبة فيها بتبقى عالية
وغالبا الدكتور بيدى منشطات للزوجة بتاخدها فى أوقات معينة ودى بتبقى عبارة عن حبوب أو
أدوية تفجيرية يعنى بتطلع عدد أكبر من البويضات علشان تزود من فرص حصول الحمل
وأهم حاجة لازم تبعد عن أى ضغط نفسى تتعرض له ومن الضغوط دى إنها تفكر
فى الحمل بشكل مبالغ فيه وتحزن قوى لو ما حصلش علشان كده الست لازم تعرف
إن كل حاجة بإيد ربنا وإنها مش لازم تعترض على إرادة ربنا وتبقى راضية ودى
أهم نصيحة للستات اللى عاوزين يحملوا
كمان الست لو سمينة لازم تخس وده بيبقى عن طريق أدوية معينة أو نظام معين
فى الأكل الدكتور بيقول لها عليه ولازم تبعد عن السجاير فى الوقت ده علشان السجاير
لها آثار سلبية على جسمها سواء كانت هى اللى بتشرب السجاير دى أو بتشم ريحيتها
من أى حد يعنى لازم ما تقعدش فى حتة فيها تدخين نهائيا فى فترة التبويض
بالذات .
نصائح للحمل السريع
أسهل الطرق علشان تبقى أم فى أقرب وقت ممكن
طرق للحمل بسرعة
