الحصول على الدرجات العالية هى هدف كل طالب وطالبة وهى مصدر قلق كل أولياء الأمور
منذ التحاق أبناءهم بالمدرسة
هناك بعض الخطوات البسيطة يجب على الطالب القيام بها للحصول على مجموع عالى والالتحاق بكليات
قمة بمنتهى السهولة
أول الخطوات التى يجب على الطالب هى أن يحدد لنفسه جدولا مناسبا خصوصا لو كان
الطالب لا يحب المذاكرة فى فترة الليل كما يجب على الطالب أن يخصص عدد ساعات
أكثر للمواد الصعبة وفى نفس الوقت عليه الحصول على أوقات راحة حتى لا يشعر بالإجهاد
الذى يمنعه فى استكمال التحصيل الدراسى
وعليه أيضا أن يقفل الموبايل والتليفزيون وقت المذاكرة حتى يستطيع التركيز فى الحصول على المعلومات
المطلوبة منه بحسب الجدول الذى حدده لنفسه ولكن يسمح له باستماع المزيكا الهادئة لتساعده على
التركيز بهدوء أعصاب
بالإضافة إلى ضرورة تركيزه فى الموضوعات التى يصعب عليه فهمها وأن يبدأ بالمواد التى يحبها
الطالب لتحفزه على استكمال تحصيله المعلومات الدراسية وأن يحصل على قدر بسيط من الراحة بين
المواد الدراسية حتى يصبح عقله دائما صافيا وغير مجهدا ويتحمل تحصيل المزيد من المعلومات
وعلشان المعلومات تدخل فى راسه وما ينسهاش لازم يحط علامات أو رموز بسيطة يقدر يسترجع
المعلومات من خلالها زى نكتة أو يذاكر بتلحين الكلام ولازم يذاكر المواد الدراسية عدة مرات
وده من خلال إنه يعرف رؤوس الموضوعات اللى بيذاكرها ويحف المصطلحات أو العناوين دى وبعد
كده يقرأ التفاصيل بتاعت الدرس اللى بيذاكره كذا مرة
لازم الطالب يفكر ازاى يربط بين المادة اللى صعبة عليه بموضوعات كان عارفها قبل كده
وينشئ علاقة بين الأفكار الجديدة والقديم علشان ده هيزود من ثبات المعلومة فى راسه
وكمان لازم يهتم بالصور والرسوم البيانية والخرايط علشان يسهل على نفسه الحفظ وممكن الطالب يحاول
يرسم أشكال معينة تساعده يفتكر المعلومات ويبقى سهل استرجاعها وقت الحاجة منها مثلا إنه يحط
أرقام معينة أو يعمل هوامش عبارة عن أسئلة مثلا جنب كل فقرة من فقرات الدرس
اللى بيذاكره
الطالب كمان ممكن يذاكر بصوت عالى وكمان ممكن يشرح الدروس لزمايله وده بيساعده إنه يركز
فى المعلومات ويثبتها فى دماغه
إضافة لده كله لازم الطالب ياكل وجبات صحية وفاكهة وحاجة مثلجة فى الصيف علشان يجدد
نشاطه وكمان لازم يحل كتير جدا تدريبات وامتحانات لسنوات سابقة علشان يكسر رهبته من الامتحان
ويبقى واثق من نفسه
نصائح للحصول على مجموع عالى
ازاى ابنك يبقى من المتفوقين فى الشهادات
التفوق فى خطوات بسيطة