ظهرت حديثا وسائل جديدة لتسهيل التواصل بين الناس وبعضها سواء كانوا أقارب أو أصدقاء وكمان
ساعدت على تكوين أصدقاء للفرد من كل دول العالم
الوسائل دى أصبحت شئ مهم فى حياة الجميع الصغيرين والكبار ومنها طبعا الفيسبوك وتويتر والإنستجرام
والواتساب وكمان اليوتيوب وغيرهم
وأهم حاجة بتعملها الوسائل دى إنها بتعرف الناس أخبار بعض وبيقدروا بضغطة زار يطمنوا على
بعض ويتكلموا سوا بمنتهى السهولة وكمان بيستخدموها الطلبة واللى بيعملوا أبحاث علشان يجيبوا منها المعلومات
اللى هم محتاجين يعرفوها
وكمان سهلت على الناس إنهم يلاقوا شغل حتى إنهم بقوا يستخدموها هى نفسها كوسيلة للكسب
المادى زى التسويق الإلكترونى لكل المنتجات من أول الملابس لغاية الشقق والعمارات
ده غير إنها خلت ناس كتيرة جدا يبقوا مراسلين صحفيين لإنهم بمنتهى البساطة بضغطة زرار
صغيرة بيطلعوا هوا على العالم كله وينقلوا الأخبار وآخر الأحداث اللى بتحصل عندهم فى بلادهم
وكمان الوسائل دى بتستخدم أحيانا فى عمل الخير ومساعدة الناس التانية فى كل دول العالم
وكمان مشاركة المعلومات بين الأشخاص وبعضها سواء كانوا فى دولة واحدة أو فى دول تانية
حتى وسائل الإعلام لما شعرت بأهمية الوسائل دى وإنها بتوصل أكتر منها للناس وأسرع أصبحوا
بيعملوا برامجهم عليها زى اليوتيوب والفيسبوك وكمان بيخلوا الجمهور يتواصل معاهم ويقول رأيه فى الموضوع
اللى بيتناقشوا فيه بمنتهى الصراحة والحرية
وزى ما الوسائل دى لها مزايا برضه لها أضرار ومن أهم الأضرار دى إنها وسائل
مفيش عليها رقابة علشان كده ممكن تعرض أفلام وتسوق لمواقع جنسية ومش أخلاقية وكمان بتخلى
الأطفال الصغيرين يعرفوا طريق التدخين والخمور
وكمان الوسائل دى جذابة جدا علشان كده ممكن الفرد يقعد عليها بالساعات من غير ما
يحس هو قعد وقت أد إيه ويلاقى وقته ضاع فى حاجة ممكن ما تبقاش مفيدة
بالنسبة له
ده غير إن الوسائل دى مفيش حاجة فيها اسمها حقوق شخصية أو حقوق عامة علشان
كده ممكن تلاقيها بتنشر حاجات كذب ومعلومات مش صحيحة ده غير النصب اللى بيحصل عليها
والناس اللى بتنتحل صفة غير صفتها علشان تطلع بقرشين من غيرهم
وآخر حاجة بتسببها الوسائل دى إنها بتخلى الشخص اللى قاعد عليها معزول عن الدنيا اللى
حواليه لساعات كتيرة جدا وممكن تخلى شخصيته تبقى ضعيفة ومهزوزة بيتأثر بأى حاجة تتقال له
مزايا وأضرار السوشيال ميديا
السوشيال ميديا ما لها وما عليها
وسائل التواصل الاجتماعى فوائد وأضرار
