الحصبة هى مرض معدى لأنها عبارة عن فيروس بيدخل فى المسالك الهوائية فى الجهاز التنفسى
يسبب التهابات وعشان كده أعراضه أحيانا بتبقى شبه أعراض البرد شوية
يعنى تلاقى الطفل عنده كحة وزكام وهياج فى عينه وكمان عينه بتبقى حمرا ده غير
آلام فى الزور وعلو درجة الحرارة طبعا زيه زى أى فيروس غريب بيدخل الجسم وكمان
بتلاقى جسم الطفل مبقع أحمر زى الحبوب كده ودى طبعا بتبقى واضحة جدا على جلده
كله حتى على الوش
بس الحصبة ممكن تكون سبب فى وفاة الأطفال الصغيرين قوى طبعا علشان ما بيبقاش عندهم
مناعة تقاوم الفيروس اللعين ده
وعلشان كده العلماء وجدوا تطعيم ضد المرض اللعين ده للطفل من وهو صغير خالص لإنه
بينتشر بسرعة جدا بين الناس اللى مش واخدين التطعيم ده
الحصبة بتبدأ تظهر على الطفل بعد إصابته به بحوالى عشرة أو اثنا عشر يوما تلاقيه
عنده حمى وكحة من غير بلغم بس فيه إفرازات بتطلع من مناخيره وكمان بيبقى عنده
حساسية زيادة من الإضاءة
وكمان بتظهر نقط صغيرة بيضا جوه البق ناحية الخدود وبعدين يبدأ جسمه يبقع أحمر ومن
أسبابه العدوى طبعا ودى بتحصل قبل ظهور العلامات الحمرا على جسم الشخص اللى عدا الطفل
أو الشخص الكبير اللى اتصاب بالحصبة
والعدوى بتكون عن طريق الرزاز اللى بيطلع من الكحة أو من الكلام وبيفضل فعال ومعدى
حوالى 4 ساعات ومع كده فإن الإصابة بالمرض ده بتبقى مرة واحدة بس فى العمر
ليه الحصبة مرض لعين لإنه بيسبب التهاب فى الودن ل 1 من 10 أطفال وممكن
يصيب كمان بالتهاب السحايا لكل 1 من 1000 ومرض التهاب السحايا ده هو التهاب الدماع
وممكن يسبب غيبوبة بس دى بتبقى حالات نادرة
وكمان الحصبة ممكن تسبب التهاب رئوى ممكن يسبب الوفاة وكمان بيعمل إسهال والتهاب فى الشعب
الهوائية ولازم الست الحامل تحذر جامد جدا لإن إصابتها بالمرض ده هيسبب اضطراب فى الحمل
وممكن يسبب إجهاض أو ولادة مبكرة أو تجيب طفل وزنه ضعيف
وغير كده الحصبة بتخفض الصفايح الدموية وطبعا علشان أعراض الحصبة بتبقى واضحة فمن السهل تشخيص
الإصابة بها وكمان عمل تحليل دم علشان التأكد من صحة التشخيص
مرض الحصبة
ازاى تعرفى إن طفلك عنده حصبة
أعراض الحصبة وأسبابها
