النجاح هو هدف كل الناس سواء كان النجاح ده فى الدراسة أو فى الحياة العامة
وفيه ناس كتيرة بتحس بالإحباط من كتر الفشل اللى بيتعرضوا له وده اللى ساعات بيسموه
سوء الحظ
علشان كده مش لازم أبدا الإنسان يفكر فى لحظات الفشل دى لإنها بتتسبب فى خيبة
الأمل ولازم يبص دايما للنماذج اللى حققت نجاح وكان النجاح بالنسبة لها من وجهة نظره
شئ مستحيل
وعشان الإنسان يكون ناجح لازم يصمم على كده بإنه يبذل أقصى جهد له سواء فى
مذاكرته لو هو طالب أو فى شغله لو هو موظف أو فى حياته سواء مع
أسرته أو مع أصحابه
وكمان من أهم الحاجات اللى بتساعد الإنسان على إنه يكون ناجح إنه يحط لنفسه حافز
لما يحقق طموحه فى اللى بيعمله ويبقى بالفعل إنسان ناجح ولازم يبقى دايما عنده أمل
وعزيمة على النجاح وكمان لازم أهم حاجة إنه يطلب المساعدة والنجاح من ربنا وهو بيعمل
اللى عليه طبعا
لازم يكون الإنسان واثق إن ربنا هيقف معاه ويحقق له النجاح اللى هو بيتمناه طالما
هو مجتهد وطالما بيطلب النجاح ده علشان يحقق شئ كويس مش علشان يذل الناس اللى
فشلت وما عرفتش تبقى ناجحة زيه
ما ينفعش الإنسان يأجل شغله أو مذاكرته لتانى يوم علشان يقدر يوصل للنجاح لازم تكون
عنده إرادة قوية على تحقيق الهدف الرئيسى اللى هو حطه لنفسه واللى عاوز يحققه وكمان
لازم يستفيد من خبرة الناس اللى سبقوه فى النجاح فى الهدف اللى هو بيسعى له
زى الطالب ممكن يستفيد من تجربة طالب متفوق مثلا سبقه فى السنة الدراسية ومر بالسنة
اللى هو فيها فى الوقت الحالى ويشوف خبرته ويحاول يحقق النصايح دى
غير كده لازم يبقى فيه ترتيب الأهم وما ينفعش نقدم الحاجات الفارغة عن الحاجات الأساسية
اللى هتخلينا نحقق هدفنا اللى بنحلم به وكمان لازم يكون اجتماعى وبيعرف يتكلم مع الناس
علشان يعرف يستفيد من خبراتهم فى حياتهم ويقدر يوصل للقمة اللى نفسه يوصل لها
كيف تكون ناجحا
للنجاح أسرار تعرف عليها
نصائح من ذهب لتكون إنسانا ناجحا
