الشخص القوي مش معناه أنه يستقوي علي الناس أو يجي علي حد ضعيف ويبين عليه
القوة دي
لا بالعكس لو انت فاهم القوة كدة تبقي فاهمها غلط وانا هفهمك الصح
الشخصية القوية هي الشخصية اللي تبقي مسيطرة في شغلها وفي حياتنا عموما
هي اللي لو لقت شخص مظلوم تدافع عنه بقوتها
طب ازاي تبقي قوي الشخصية
اولا لازم تعرف أن الدنيا دي دار ابتلاء يعني هتلاقي كلها مشاكل وصعوبات
ومن القوة انك تقوم وتعدي كل المشاكل دي عشان لو استسلمت ووقفت مكانك دة هيبقي
ضعف مش قوة
ثانيا لازم تختار الحب بعقلك مع قلبك بلاش تحب الشخص الغلط عشان انت شايفه بقلبك
لان الحب بالقلب بس مينفعش وبيضعف جدا
وبيخليك قصاد اللي بتحبه ضعيف لكن لو حبيت بقلبك وعقلك مع بعض كدة انت هتكون
قوي الشخصية مع اللي بتحبه وهو لما يشوفك قوي وعندك شخصية قوية صدقني هيتعلق بيك
وهيحبك اكتر
غير لما يكون شايفك ضعيف و يكون ضامنك في حياته ساعتها هيعمل فيك اللي هو
عايزه