من المعروف ان البنت عين امها وان الكل معجب بها وده علشان خاطر شكلها اللى
بيبهر كل اللى يشوفها ومعروف برضه إن الشكل ده بيكون على حسب لبسها وكمان قصة
شعرها
وعشان كده كل أم بتدور لبنتها على أجمل القصات اللى بتليق على شكل وشها وكمان
لون شعرها اللى بيليق على بشرتها يعنى ما ينفعش تبقى البنت سمرا ومامتها تصبغ لها
شعرها باللون الأصفر مثلا لكن اللون الأصفر مع البنت البيضاء بيبقى تحفة
ومش بس فى لون الشعر اللى المفروض الأم بتاخد بالها منه علشان شكل بنتها خصوصا
لو كانت طفلة صغيرة لا دى كمان المفروض بتاخد بالها من طريقة قص شعرها يعنى
المفروض إن الأم بتقص شعر بنتها بطريقة تديها جمال وحيوية
وطبعا أمهات كتيرة بتفضل إن شعر بنتها يفضل طويل وتعمله لها ضفيرتين أو ضفيرة من
أول راسها أو تقسم لها شعرها وتعمله لها عدة ضفاير وممكن تقسم الشعر نصين وتعمل
كحكة من فوق بالنص الأولانى وتسيب النص التانى سايب
وكمان ممكن الأم تعمل ضفاير من أدام وتلمهم مع بعض كديل حصان ناعم بتوكة صغيرة
وكمان ممكن تقصه لها كاريه أو تخليه سايب عادى لو كان طويل
وممكن يتعمل ضفيرتين أو ديلين حصان ودول مش بتبطل موضتهم أبدا بالعكس معظم البنات الصغيرة
بتحب تعمل شعرها ضفيرة أو ديل حصان أو ودن قطة اللى هم ديلين الحصان وفيه
بنات تانية بتحب تسيب شعرها زى الكبار
والأم بتدى مساحة من الحرية لبنتها إنها تختار شكل شعرها يبقى ازاى علشان يبقى لها
شخصية لما تكبر تعرف تاخد قرارات فى حياتها ومش بس تسريحة شعرها اللى ممكن البنت
تختارها لا دى كمان بتختار لبسها وشنطها وجذمها وكل حاجة تخصها
قصات شعر للبنات
واو قصات لشعر بنتك
أحلى القصات لشعر البنات