كل ست بتحب دايما تبقى الملكة اللى مفيش حد زيها مفيش حد بيلبس زيها ولا
بيحط ماكياج بطريقيتها ولا بيعمل شعره أو طرحته زيها
وعشان كده ستات كتيرة قوى بتحب تلبس فساتين سواريه حلوة طبعا بتليق على شكلها وعلى
شكل جسمها وخصوصا لو كانت خارجة مع جوزها يتعشوا برة مثلا أو رايحين مناسبة ساعتها
الست بتحس إنها عروسة من أول وجديد لإنها خارجة مع حب عمرها اللى بقى شريك
حياتها
فيه ستات بتحب تلبس حاجة بسيطة علشان ما يبانش من شكلها إنها أوفر أو محدثة
نعمة لكن فيه ستات تانية بتاخد موضوع اللبس ده إنه من مقامها يعنى ما ينفعش
هى تبقى شايفة إن مقامها عالى وتلبس لبس أى كلام – من وجهة نظرها طبعا-
علشان كده بتجيب أغلى لبس وأغلى ميكاب وأغلى إكسسوارات وهكذا
ولازم تلفت نظر كل اللى يبص لها ويبقوا هيتجننوا هى جابت الحاجات الحلوة دى منين
وخصوصا لو كانت مقلدة فى لبسها الفنانات
بس دى بتختلف من ست لست وكمان بتختلف من راجل لراجل يعنى فيه رجالة مش
بتحب ستاتها يبقوا ملفتين للنظر وعرضة للمعاكسة أو إن حد يثنى على جمالهم لإنه بيعتبر
إن ده إهانة له إن مراته حد يغازلها فى وجوده وعشان كده مش بيخليها تلبس
حاجة تظهر جمالها ودايما لبسها بيبقى عادى
لكن فيه رجالة تانية بيحبوا يشوفوا مراتاتهم أجمل اللى موجودين فى المكان اللى بيبقوا قاعدين
فيه خصوصا لو بيشتغل فى مجال متاح فيه الستات الجميلات زى الأزياء مثلا أو الإعلام
أو البنوك والأماكن اللى ممكن يشوف فيها ستات من كل شكل ولون
وفيه رجالة بتبقى نفسها تشوف زوجاتها زى الممثلة الجميلة دى أو المطربة القمر دى أو
المذيعة اللى واخدة بالها من نفسها على الأقل وهى قاعدة معاه ودى طبعا بتجيب فساتين
سواريه بسيطة جدا تقضى بيها المناسبات اللى بتبقى بينهم زى عيد جوازهم أو عيد ميلاده
فساتين سهرة فخمة
لو رايحة فرح أو سهرة جامدة شوفى الفساتين الشيك قوى دى
أحلى الفساتين لسهرة شيك