الكشك من الأكلات الصعيدية المحببة للكبار والصغار خاصة أنها أكلة مليئة بالفوائد والفيتامينات لأنها تحتوى
على الأرز والحليب وشوربة الفراخ

فى إناء نحط شوربة الفراخ أو البط على النار المتوسطة لغاية ما تغلى وبعدين نضيف
عليها ربع كوباية أرز عادى ونغطى الحلة ونوطى النار تبقى زى الشمعة نصف ساعة لغاية
ما الأرز يستوى

فى طاسة نحط شوية زيت يسخن وبعدين نحط عليه البصل ونقلبه لغاية ما لونه يبقى
ذهبى وبعد كده نشيل جزء منه ونسيبه على جنب وبعدين نزود زبدة أو سمنة على
بقية البصل

نحط معاهم معلقتين كبار من الدقيق ونقلب الخليط كويس وأثناء التقليب نحط اللبن واحدة واحدة
لغاية ما الدقيق يذوب وما يبانش  بعد كده نحط الأرز ونزود ملح وفلفل اسود ونقلب
الكشك على طول لغاية ما يغلى ونوصل للسمك اللى احنا محتاجين هويا ريت نخلى شوية
شوربة على جنب علشان لو الكشك كان سميك زيادة عن اللزوم نخففه بالشوربة

نزين الكشك بالبصل المتحمر ويتقدم سخن مع العيش

الكشك يعتبر وجبة غذائية متكاملة علشان كده هو مفيد جدا للأطفال وفيه ناس بتحط عليه
علبة زبادى وكمان ممكن يتحط عليه عصير نصف ليمونة .

وفيه طريقة تانية لعمل الكشك ودى الطريقة الصعيدى وهى عبارة عن نص كوباية رز وكوباية
لبن وكوباية زبادى و4 كوبايات شوربة ( الأفضل شوربة البط ) و4 معالق كبيرة دقيق
وزيهم سمنة وبصلتين محمرين

يتحط الزبادى فى سلطانية صغيرة ويتحط عليه اللبن وبعد ما يتقلب كويس جدا يتساب ليلة
لغاية ما يمسك فى بعضه بعد كده ينضاف الدقيق عليه ويتقلب بالمضرب

يتحط الرز فى الحلة ويتزود الميه عليه لغاية ما نغطيه وبعدين نحطها على النار ثلث
دقيقة لحد ما الرز يستوى وبعدين نزود نص الشوربة وتتساب على النار خمس دقايق وبعد
كده نحط خليط الزبادى ويتقلب كويس لحد ما ما يبقى تقيل  وبعدين نضيف بقية كمية
الشوربة وتتساب على النار لغاية ما نوصل لغاية نوصل للسمك اللى احنا عاوزينه

بعد ما يبرد شوية يتوزع البصل المحمر على سطح أطباق الكشك ويتقدم مع العيش

طريقة عمل الكشك

أكلة صعيدى مالهاش حل

طرق لعمل الكشك