القلقاس من الأكلات اللى الكل بيحبها الكبار والصغيرين وله طرق كتيرة جدا فى عمايله يعنى
ممكن نعمله طبيخ عادى زى البطاطس وممكن يتعمل بتقلية وخضرا
بس الطريقة اللى هقلكم عليها النهاردة طريقة حلوة قوى وكمان جديدة ومغذية أكتر لأنها بالبشاميل
يعنى هتستفيدى بفوائد القلقاس وكمان فوائد اللحمة اللى هتحشيها به ده غير فوايد اللبن الكبيرة
نقطع البصل قطع صغيرة ولو مفروم يبقى أفضل وكمان الثوم والجزر والكرفس ونحطهم كلهم فى
طاسة على النار ، بعد كده حطى عليهم اللحمة المفرومة وقلبيها كويس لغاية ما تتعصج
نزود بقى عليها ملح وفلفل وشوية قرفة لو كانت اللحمة ضانى وبعدين نقطع الطماطم قطع
صغيرة ونضيفها على اللحمة
نقطع القلقاس مكعبات ونحمره فى زيت كتير ونحط عليه ملح وفلفل ونسيبه على جنب
نعمل بقى البشاميل بالطريقة العادية زى تباع المكرونة يعنى نحط فى الطاسة زبدة على زيت
ونحط عليهم أدهم دقيق ونقلبهم لغاية ما لون الدقيق يتغير ويبقى لون الطحينة ونزود االبن
عليه واحنا بنقلب
بعد ما يبدأ يعمل قوام نبهره بالملح والفلفل والكمون والزعتر ومرقة الدجاج لازم نفركها جامد
ونقلب لغاية ما مرقة الدجاج تدوب خالص وبعدين نحط بيضتين واحنا برضه بنقلب وبعدين نطفى
على طول علشان البيض ما يستويش
فى صينية بايركس أو صينية فرن عادية خالص ندهنها فى الأول بالزبدة أو السمنة وبعدين
بشوية صغيرة من البشاميل ونحط نصف كمية القلقاس ونحط عليه شوية صغيرة من البشاميل ونضيف
العصاج وبعدين نكمل بقية كمية القلقاس
غطى القلقاس ببقية البشاميل وحطيها فى الفرن على درجة حرارة 220 درجة وسيبيها فى الفرن
لغاية ما وش الصينية يحمر وبعد كده طلعيها وكلى أحلى صينية قلقاس بالبشاميل واللحمة المفرومة
وبالهنا والشفا وممكن على حسب رغبتك تزينى الصينية بشوية بقدونس
طريقة عمل القلقاس باللحمة المفرومة والبشاميل
طريقة حلوة جدا للقلقاس جربيها ومش هتندمى
القلقاس بالبشاميل والمفروم
