البصارة هى أكلة مصرية من أصل فرعونى وهى رخيصة الثمن ولها فوائد عديدة وبالرغم من
سهولة عملها إلا أن الكثير من السيدات لا يعرفن طريقة عملها وذلك بسبب كثرة الطرق
التى تطهى بها

والبصارة عبارة عن فول مدشوش وهو الفول الذى يستخدم فى عمل عجينة الطعمية مع بصلة
كبيرة والبقدونس وأيضا لمنحها اللون الأخضر أكثر نستطيع إضافة معلقة صغيرة من النعناع الجاف لها

بعد غسيل الفول عدة مرات بالماء وتركه فى ماء نظيفة لمدة ساعة على الأقل يوضع
الفول فى إناء على النار ويغطى بالماء ثم يترك على درجة حرارة عالية من النار
ويضاف عليه البصلة مقطعة إلى عدة أجزاء كما يحلو لكى

ثم يوضع  النعناع والبقدونس والتوابل ( الملح والفلفل والشطة ” على حسب الرغبة ” )
ويترك على البوتاجاز حتى نجد الخليط كله أصبح متجانسا أى لا يتضح شكل لأى من
البصل ولا الخضرة مع إزالة الرغاوى البيضاء وبعدين نخفض درجة حرارة البوتاجاز ونسيب الخليط على
النار شوية صغيرة

بعد ما نلاقى الخليط كله بدأ يشرب الميه اللى فيه وقلت خالص نبدأ نهرسه سواء
بالهاندبليندر أو بالخلاط ونغرفها فى الأطباق وبعدين فى طاسة صغيرة نحط أى مادة دهنية زيت
أو سمنة أو زبدة زى ما تحبى وحطى عليها الثوم والكزبرة الناشفة وما تسيبهاش لازم
تقلبيها بشكل مستمر لغاية ما لونها يبقى بنى وبعدين رشيها على البصارة بعد ما تكون
بردت شوية

والبصارة من الأكلات اللى ممكن تتاكل سخنة وبتبقى طعمة جدا لو كلتيها باردة برضه وتنفع
للغذاء أو للعشاء وكمان ممكن تفطرى بيها لإنها بتبقى مش تقيلة ولا دسمة

البصارة بتتاكل بالعيش وممكن تقدمى معاها بصل أخضر أو بصل عادى بيبقى طعمها  ولا أروع
وفيه ناس كتيرة بتعملها لما بتكون محتارة تعمل غدا إيه أو تكون مستعجلة وعاوزة تعمل
أكلة سريعة لإنها هى والعدس أسرع أكلتين ممكن تعملهم ست البيت وينالوا إعجاب كل اللى
فى البيت

طريقة عمل البصارة

البصارة أسرع وأرخص أكلة اتعرفى على طريقة عملها

البصارة أسرع أكلة .. إليكى طرق عملها