كل بنت بتحلم بالبيت السعيد والشيك واللى  يقلده الكل فى ديكوراته وألوانه وأثاثه وكل حاجة
فيه وعشان كده الناس اللى معاها فلوس بتستعين بمهندسين الديكور علشان يخلوا من بيوت بناتهم
أو ولادهم جنة

وفيه ناس تانية بتختار الديكورات وتجيب العمال اللى ينفذوها وكل واحدة بتتباهى بشكل بيتها وجماله
وخصوصا أوضة نومها ومطبخها

البيت هو أكتر حاجة الست بتقضى يومها فيه  يعنى النوم والأكل وقعادها تتفرج على الأفلام
والمسلسلات وده طبعا بسبب إن زوجها مشغول دايما علشان يقدر يلبى احتياجات ومتطلبات حياتهم

ودايما الست بتشوف إن تسليتها الوحيدة مع مشاهدة المسلسلات والأفلام وبرامج المرأة والحاجات دى إنها
تخلى بيتها ده نظيف وشكله مريح علشان ما تحسش بسرعة إنها زهقانة من القعدة فيه
وكمان علشان زوجها يبقى مبسوط لما يخلص شغله والضغط اللى بيبقى فيه طول النهار وطبعا
البيت بيبقى مكان راحة الزوج بعد تعبه يوم كامل

الست علطول بتحس إن ده مملكتها اللى هى تقدر تتصرف فيها زى ما هى عاوزة
وأحيانا وهى بتختار الديكور بتاع بيتها بتدى مساحة إنها ممكن تغير فى طريقة تنسيقه من
وقت للتانى أو تغير من شكل الأنتريه مثلا أو مكان التليفزيون أو أى حاجة زى
كده

لما بتحاول الست تغير فى شكل الديكور مش لإنه ما كانش عاجبها لا هى بتغير
فى شكله علشان ما تحسش بالملل هى وزوجها وتحس إنها ست متجددة دايما علشان الإحساس
بالملل هو بداية الإصابة بالاكتئاب واللى بيزود فى أحيان كتير المشاكل بين الزوجين

الراجل لما بيعمل ديكور حلو بيحس إنه فخور لإنه عمل حاجة حلوة لنفسه ولشريكة حياته
اللى أكيد بيكون بيحبها وعلشان كده اختارها تكون معاه بقية حياته وتبقى أم أطفاله وعلشان
كده على طول بيتابع الموضة فى الديكورات وبيحاول يجدد فى شكل شقته كل فترة

ديكور البيت

راحتك فى بيتك تبدأ من اختيارك للديكورات

ديكورات جميلة لمنزلك