عارف يعنى إيه جبر الخواطر يعنى الابتسامة فى وجه الآخرين وعدم نهر السائلين وإعطاء السائل
والمحروم وابن السبيل
مش بس كده ده كمان انت ممكن تجبر بخاطر ميت وده عن طريق التصدق على
روحه أو تقديم عمل صالح باسمه ينفع الناس وكمان تقرا له قرآن أو تحج له
أو تعمل له عمرة وكمان إنك تدعى له
طيب تعرف يعنى إيه دعاء الدعاء هو إنك ترجو ربنا بذل وخشوع إنه يحقق لك
حاجة معينة ودى أحب حاجة لربنا زى ما قال فى سورة البقرة وحث الناس على
دعائهم ليه وقال لهم إن هو قريب منهم جدا
ربنا بينزل فى السماء الدنيا فى آخر ربع من الليل علشان يجبر بخاطر أى حد
يطلب منه حاجة وده طبعا بعد قضاء صلاة التهجد أو قيام الليل والدعاء طبعا
طب إيه أحب الأوقات عند ربنا كمان اللى فيها بيسامح العبد ويغفر له ذنوبه لو
تاب فى الأوقات دى يوم الجمعة اللى قالنا عنه رسول الله صلى الله صلى الله
عليه وسلم إنه خير يوم طلعت فيه الشمس وإنه كمان اليوم اللى اتخلق فيه آدم
عليه السلام
وكمان فى شهر رمضان وخصوصا فى ال 10 أيام الأخيرة منه اللى أقسم بيهم فى
سورة الفجر وده علشان فيهم ليلة القدر اللى أنزل فيها القرآن وطبعا اللى الدعاء فيها
بيبقى مستحب جدا وبيعرفها الناس اللى إيمانهم عالى جدا
ولو كان الميت من أهلك يبقى الدعاء لهم ممكن يبقى شفيع ليهم فى قبورهم زى
ما الرسول قال إن عمل الميت يوصل بدعوة ولد صالح له وكمان العمل الصالح اللى
هو عمله فى حياته وصدقة جارية تصدق بيها برضه فى حياته
ولو كان الميت معرفة زى صاحبك مثلا أو قريب من بعيد يبقى دعاءك ليه نوع
من أنواع جبر الخواطر
دعاء للميت في رمضان
لو عندك ميت قريب منك ادعى له فى رمضان