التمرين الأولانى نام على ظهرك اتنى ركبك بس ظهرك يكون مفرود وشد عضلات بطنك وبعدين
ارفع رجلك واحدة واحدة بالتبادل خد نفس 3 مرات جامد وبعدين كرر التمرين
إنما التانى فخلى رجلك عمودية على الحيطة وجسمك على الأرض وانت نايم على ظهرك وقوم
براسك وكتفك وحط إيدك على صدرك علشان ما تتعبش واتنفس 3 مرات جامد وبعدين ارجع
تانى نام وكرر التمرين عدة مرات
التمرين الثالث برضه نام على ظهرك واتنى ركبك بس وانت حاطط رجلك فى الأرض وإيدك
ورا راسك وارفع اكتافك وكمان ركبك بالرحة بس تكون عمودية وتخيل إنك راكب عجلة وبتسوقها
يعنى بدل بركبك وارفع كل واحدة منهم فى اتجاه الثانية ولازم تكون رجلك اللى فى
الأرض مستقيمة مش معووجة
كمان ممكن تعمل تمرين وانت واقف وحط رجلك جنب بعض وانزل بوسطك بحيث الفخدتين يكونوا
زى البرجل المفتوح وحاول تلمس الأرض بإيدك
وكمان تمرين الضغط من التمارين الحلوة جدا وبتجيب نتيجة فى شد البطن وتقوية عضلات البطن
بس خلى بالك إنك لازم تشرب ميه كتير وكمان تحاول تعمل نظام غذائى معين علشان
التمارين تجيب معاك نتايج كويسة
بس فيه حاجة كمان بلاش تمارين البطن لو بتعانى من حاجة فى بطنك زى الفتاء
مثلا علشان اللى عنده فتاء وبيعمل تمارين زى دى بالتأكيد ده بيزود المشكلة عنده وكمان
لازم تخلى بالك من النفس وتطمئن إن قلبك هيتحمل تعمل التمارين دى
وعشان التمارين تجيب نتيجة لازم تواظب عليها لمدة 30 يوم على الأقل وكمان اعمل لنفسك
وقت معين ولو حتى نص ساعة تمشى فيهم كل يوم علشان تساعد على شد البطن
وكمان تتخلص من الشحوم اللى بتتكون فى البطن بالذات وتعمل الكرش اللى الناس كلها بتحب
تتخلص منه علشان بيأثر على القلب وكمان على جودة أداءك فى أعمالك العادية زى المشى
وطلوع السلم
تمارين عضلات البطن
مع التمارين دى شكل بطنك هتبقى أحلى
تمارين للتخلص من دهون البطن ومن الكرش