الولد الصالح هو حلم كل اب وام بيبقي نفسهم ابنهم يكون علي خلق
ودة بيترتب علي حسب تربيتهم ليه عشان كدة هنوضح لكل اب وام قواعد هامة جدا
عشان الطفل يتربي تربية سليمة
اولا الابتعاد عن العنف نهائيا أثناء تربية الطفل والتحدث مع الطفل بهدوء وحتي لو غلط
بلاش ضرب أو شتائم
ممكن يتعاقب بطريقة تانية خالص يعني مثلا احرميه من اللعبة اللي ببحبها لمدة يومين او
متخرجهوش في الويك اند
دة عقاب سليم وفي نفس الوقت بعيد عن العنف
ثانيا تصرفات الاب والام قدام الطفل
الطفل وهو بيكتشف العالم من حوله بيراقب باستمرار تصرفات امه وأبوه وبيحاول يكتسب منهم تصرفاتهم
يعني لازم الام والاب يحرصون علي تصرفاتهم قدام طفلهم لأنهم لو اتصرفو تصرف خاطئ الطفل
وارد جدا انه يقلد التصرف دة
ثالثا احترام الاب والام لبعضهم
مينفعش خالص أن دايما قدام الطفل يحصل خناقات ومشاكل بين الام والاب لان دة بيأثر
بالسلب علي نفسية الطفل ودايما بتحسسه أنه خايف وضعيف
رابعا احترام وتقدير الطفل أمام الآخرين
من اكبر الأخطاء اللي ممكن تعملها اي ام انها تعامل طفلها بعنف أمام الآخرين وتذكر
عيوبه ومساؤه
ودي حاجة بتحرج الطفل جدا وبتأثر علي نفسيته بالسلب
عشان كدة مينفعش ابدا انك تهيني طفلك قدام الناس
انتي لازم تعلي شأنه ولو عمل حاجة كويسة تحكي عليها قدامه وتبقي فخورة وانتي بتحكي
دة هيزود ثقته بنفسه ويخليه عايز يعمل إيجابيات اكتر في حياته
تربية الاطفال
تعليم الطفل السلوك الصحيحة
تربية الطفل
