الكلى من الأعضاء المهمة جدا فى جسم الإنسان لأنها تنظم مستوى البوتاسيوم والأملاح فى الجسم
وكمان بتنظف الجسم من السموم وده بيبقى عن طريق الإخراج سواء بالتبول أو التبرز
ومش بس كده دى كمان الكلى بتساهم فى توازن السوايل الموجودة فى الجسم وكمان بتتحكم
فى ضغط الدم ده غير إنها بتنظم استقلاب الكالسيوم
وعشان كده لازم الإنسان يحافظ عليها وده من خلال الكشف وعمل التحاليل اللازمة لو شعر
ببعض الأعراض دى أول حاجة بتبقى مؤشر لاحتمال وجود مشكلة فى الكلى هى إن لون
البول يتغير أو يبقى فيه رغوة وكمان ممكن بيقى فيه ريحة كريهة فى البول أو
لاحظ الفرد وجود دم فى البول
وكمان لو شعر الفرد بألم فى الظهر من تحت ممكن تمتد لغاية الفخذ بس مش
معنى الوجع بتاع الظهر يبقى دليل على وجود مشكلة فى الكلى بس ممكن يبقى سببه
وجود مشكلة فى الظهر نفسه أو فى العمود الفقرى
وعلشان الكلى بتساعد فى انتاج خلايا الدم الحمرا فأى حدوث مشكلة فيها ممكن يسبب أنيميا
أو فقر دم وممكن الجسم يورم علشان الكلى مش بتنظف الجسم من السموم اللى فيه
بسبب وجود مشكلة فيها وكمان جفاف فى الجلد وظهور بقع على الجلد
وبالنسبة للرجال ممكن مشاكل الكلى تأثر على البروستاتة وتسببب مشاكل فيها وده بسبب حدوث عدوى
فى المسالك البولية
وبسبب وجود السموم فى الدم المريض بيبقى مش عارف ينام وممكن التنفس يقف والمريض نايم
وكمان المصاب بمشاكل فى الكلى بيحس بطعم معدن فى فمه وكمان ريحة الفم بتبقى كريهة
ده غير فقدان للشهية والصداع والدوخة والشعور بالإجهاد والتعب وكمان بيبقى مش قادر يركز وده
بسبب الطاقة المنخفضة فى جسمه .
اعراض الكلى
لو حسيت بالأعراض دى سارع فى عمل تحاليل لوظائف الكلى
الأعراض الأولى لمرض الكلى