ظهرت حديثا و سائل حديثة لتسهيل التواصل بين الناس و بعضها سواء كانوا اقارب او اصدقاء و كمان ساعدت علي تكوين اصدقاء للفرد من جميع دول العالم

الوسائل دي اصبحت شئ مهم فحياة الجميع الصغيرين و الكبار و منها بالتاكيد الفيسبوك و تويتر و الإنستجرام و الواتساب و كمان اليوتيوب و غيرهم

وأهم حاجه بتعملها الوسائل دي انها بتعرف الناس اخبار بعض و بيقدروا بضغطه زار يطمنوا علي بعض و يتكلموا سوا بمنتهي السهوله و كمان بيستخدموها الطلبه و اللي بيعملوا ابحاث علشان يجيبوا منها المعلومات اللي هم محتاجين يعرفوها

وكمان سهلت علي الناس انهم يلاقوا شغل حتي انهم بقوا يستعملوها هي نفسها كوسيله للكسب المادي زي التسويق الإلكتروني لكل المنتجات من اول الملابس لغايه الشقق و العمارات

دة غير انها خلت ناس كتيره جدا جدا يبقوا مراسلين صحفيين لإنهم بمنتهي البساطه بضغطه زرار صغيره بيطلعوا هوا علي العالم كلة و ينقلوا الأخبار و آخر الأحداث اللي بتحصل عندهم فبلادهم

وكمان الوسائل دي بتستخدم احيانا فعمل الخير و مساعده الناس التانيه فكل دول العالم و كمان مشاركه المعلومات بين الأشخاص و بعضها سواء كانوا فدوله و احده او فدول تانية

حتي و سائل الإعلام لما شعرت بأهميه الوسائل دي و إنها بتوصل اكتر منها للناس  و أسرع اصبحوا بيعملوا برامجهم عليها زي اليوتيوب و الفيسبوك و كمان بيخلوا الجمهور يتواصل معاهم و يقول رأية فالمقال اللي بيتناقشوا فية بمنتهي الصراحه و الحرية

وزي ما الوسائل دي لها مزايا برضة لها اضرار و من اهم الأضرار دي انها و سائل مفيش عليها رقابه علشان كدة يمكن تعرض افلام و تسوق لمواقع جنسيه و مش اخلاقيه و كمان بتخلي الأطفال الصغيرين يعرفوا طريق التدخين و الخمور

وكمان الوسائل دي جذابه جدا جدا علشان كدة يمكن الفرد يقعد عليها بالساعات من غير ما يحس هو قعد و قت اد اية و يلاقي و قتة ضاع فحاجه يمكن ما تبقاش مفيده بالنسبه له

دة غير ان الوسائل دي مفيش حاجه بها اسمها حقوق شخصيه او حقوق عامه علشان كدة يمكن تلاقيها بتنشر اشياء كذب و معلومات مش صحيحه دة غير النصب اللي بيحصل عليها و الناس اللي بتنتحل صفه غير  صفتها علشان تطلع بقرشين من غيرهم

وآخر حاجه بتسببها الوسائل دي انها بتخلي الشخص اللي قاعد عليها معزول عن الدنيا اللي حوالية لساعات كتيره جدا جدا و يمكن تخلي شخصيتة تبقي ضعيفه و مهزوزه بيتأثر بأي حاجه تتقال له

 

مزايا و أضرار السوشيال ميديا

 

السوشيال ميديا ما لها و ما عليها

 

وسائل التواصل الاجتماعي فائدة و أضرار