النجاح هو هدف جميع الناس سواء كان النجاح دة فالدراسه او فالحياة العامه و فية ناس كتيره بتحس بالإحباط من كتر الفشل اللي بيتعرضوا له و دة اللي ساعات بيسموة سوء الحظ
علشان كدة مش لازم ابدا الإنسان يفكر فلحظات الفشل دي لإنها بتتسبب فخيبه الأمل و لازم يبص دايما للنماذج اللي حققت نجاح و كان النجاح بالنسبه لها من و جهه نظرة شئ مستحيل
وعشان الإنسان يصبح ناجح لازم يصمم علي كدة بإنة يبذل اقصي جهد له سواء فمذاكرتة لو هو طالب او فشغلة لو هو موظف او فحياتة سواء مع اسرتة او مع اصحابه
وكمان من اهم الاشياء اللي بتساعد الإنسان علي انه يصبح ناجح انه يحط لنفسة حافز لما يحقق طموحة فاللي بيعملة و يبقي بالفعل انسان ناجح و لازم يبقي دايما عندة امل و عزيمه علي النجاح و كمان لازم اهم حاجه انه يطلب المساعده و النجاح من ربنا و هو بيعمل اللي علية طبعا
لازم يصبح الإنسان و اثق ان ربنا هيقف معاة و يحقق له النجاح اللي هو بيتمناة طالما هو مجتهد و طالما بيطلب النجاح دة علشان يحقق شئ كويس مش علشان يذل الناس اللي فشلت و ما عرفتش تبقي ناجحه زيه
ما ينفعش الإنسان يأجل شغلة او مذاكرتة لتاني يوم علشان يقدر يوصل للنجاح لازم تكون عندة اراده قويه علي تحقيق الهدف الاساسي اللي هو حطة لنفسة و اللي عاوز يحققة و كمان لازم يستفيد من خبره الناس اللي سبقوة فالنجاح فالهدف اللي هو بيسعي له زي الطالب يمكن يستفيد من تجربه طالب متفوق مثلا سبقة فالسنه الدراسيه و مر بالسنه اللي هو بها فالوقت الحالي و يشوف خبرتة و يحاول يحقق النصايح دى
غير كدة لازم يبقي فية ترتيب الأهم و ما ينفعش نقدم الاشياء الفارغه عن الاشياء الأساسيه اللي هتخلينا نحقق هدفنا اللي بنحلم بة و كمان لازم يصبح اجتماعي و بيعرف يتكلم مع الناس علشان يعرف يستفيد من خبراتهم فحياتهم و يقدر يوصل للقمه اللي نفسة يوصل لها
كيف تكون ناجحا
للنجاح اسرار تعرف عليها
نصائح من ذهب لتكون انسانا ناجحا
