شقاوه الطفل بتبقي مطلوبه فبعض الأحيان بس لما بتبقي الشقاوه بخفه دم و من غير ما يسبب اذي لنفسة و لا لأي طفل تاني  وكمان لما بتبقي فحدود المسموح به

بس فية اطفال بيعبروا عن شقاوتهم بإنهم يضربوا اصحابهم او يخربوا فالبيت و هم بيلعبوا و كمان بتبقي حركتهم كتيره جدا جدا لدرجه ان الأم ما بتبقاش قادره عليهم هم دول اللي بيبقوا المشكله لإنهم بيسببوا ازعاج لأهاليهم

ومن اهم سبب الشقاوه اللي بتوصل لدرجه المشكله هي ان الأطفال دول بيشوفوا افلام عنيفه و خصوصا لممثلين هم بيحبوهم علشان كدة بيحاولوا يقلدوهم فتصرفاتهم و كمان الآباء احيانا بيكونوا اسباب فتنميه الشقاوه دي عند اطفالهم

بمعني انهم بيعاملوهم بشكل سيئ زي انهم يصرخوا فو ش الطفل و دة بيخلي الطفل يخاف و بالتالي يعبر عن خوفة بإنة يتشاقي زياده دة غير ان الكيفية دي بتخلي الطفل يفقد ثقتة فنفسة و بتعمل له مشاكل فعقله

يبقي لازم الأهل يتكلموا مع الطفل دة بهدوء و باحترام علشان يقدر الطفل يفهم الغلط اللي هو عملة و كمان لازم نبعد عن الضرب لإن الضرب فالحاله دي بيسبب العند عند الطفل دة و يخلية يزود فشقاوتة و كمان لازم لما الأم او الأب يكلم الطفل انه يقعد علي ركبة و لازم يصبح باصص له علشان دة مش بيخلي الطفل يخاف

وغير كدة لازم يبقوا صرحاء مع اطفالهم علشان ينقلوا لهم الأخلاق الكويسه و ما ينفعش نعلم الطفل انه يكذب و كمان لازم ما نزعقش للطفل و فنفس الوقت نتكلم معاة بجدية

عقاب الطفل الشقي لو ما قدرناش ننهي شقاوتة دي انه يقعد مدة معينه بسيطه يمكن تبقي 5 دقايق فمكان معين زي اوضتة كدة ما يتحركش  منها علي السرير مثلا و لو امتثل للعقاب و قعد يبقي خلاص بس لو فضل يعمل تصرفاتة الشقيه دي يبقي نزود لمدة عزلة فالمكان اللي بنحددة يعني تبقي المده ربع ساعه او تلت ساعه و كمان لازم الأهل يقبلوا اعتذار الطفل و يحضنوة و يبوسوة بعد الاعتذار

وكمان من المهم قوي انه يتكافئ لو اتصرف بشكل كويس لإن دة هيشجعة يتصرف كويس علي طول و بالتالي نبقي خففنا من حده الشقاوه و خليناها من الشقاوه اللي بتعمل مشاكل للشقاوه المسموح فيها و أهم حاجه بقي ان الطفل يمارس رياضه علشان يظهر طاقتة السلبيه عن طريقها

 

كيف اتعامل مع الطفل الشقى

لو طفلك شقي اعرفي كيف تتعاملي معاه

طرق للتعامل مع الطفل الشقى