الكشك من الأكلات الصعيديه المحببه للكبار و الصغار خاصه انها اكله مليئه بالفائدة و الفيتامينات لأنها تحتوي علي الأرز و الحليب و شوربه الفراخ
في اناء نحط شوربه الفراخ او البط علي النار المتوسطه لغايه ما تغلي و ثم نضيف عليها ربع كوبايه ارز عادي و نغطي الحله و نوطي النار تبقي زي الشمعه نص ساعه لغايه ما الأرز يستوى
في طاسه نحط شويه زيت يسخن و ثم نحط علية البصل و نقلبة لغايه ما لونة يبقي ذهبي و بعد كدة نشيل جزء منة و نسيبة علي جنب و ثم نزود زبده او سمنه علي بقيه البصل
نحط معاهم ملعقتينكبيرة من الدقيق و نقلب الخليط كويس و أثناء التقليب نحط اللبن و احده و احده لغايه ما الدقيق يذوب و ما يبانش بعد كدة نحط الأرز و نزود ملح و فلفل اسود و نقلب الكشك علي طول لغايه ما يغلي و نوصل للسمك اللي احنا محتاجين هويا ريت نخلي شويه شوربه علي جنب علشان لو الكشك كان سميك زياده عن اللزوم نخففة بالشوربة
نزين الكشك بالبصل المتحمر و يتقدم سخن مع العيش
الكشك يعتبر و جبه غذائيه متكامله علشان كدة هو مفيد جدا جدا للأطفال و فية ناس بتحط علية علبه زبادي و كمان يمكن يتحط علية عصير نص ليمونه .
وفية كيفية تانيه لعمل الكشك و دي الكيفية الصعيدي و هي عباره عن نصف كوبايه رز و كوبايه لبن و كوبايه زبادي و 4 كوبايات شوربه ( الأفضل شوربه البط ) و 4 ملاعق كبيره دقيق و زيهم سمنه و بصلتين محمرين
يتحط الزبادي فسلطانيه صغيره و يتحط علية اللبن و بعد ما يتقلب كويس جدا جدا يتساب ليله لغايه ما يمسك فبعضة بعد كدة ينضاف الدقيق علية و يتقلب بالمضرب
يتحط الرز فالحله و يتزود المية علية لغايه ما نغطية و ثم نحطها علي النار ثلث دقيقه لحد ما الرز يستوي و ثم نزود نصف الشوربه و تتساب علي النار خمس دقايق و بعد كدة نحط خليط الزبادي و يتقلب كويس لحد ما ما يبقي تقيل و ثم نضيف بقيه كميه الشوربه و تتساب علي النار لغايه ما نوصل لغايه نوصل للسمك اللي احنا عاوزينه
بعد ما يبرد شويه يتوزع البصل المحمر علي سطح اطباق الكشك و يتقدم مع العيش
كيفية عمل الكشك
أكله صعيدي ما لهاش حل
طرق لعمل الكشك
