يوم السبت 5:26 صباحًا 8 أغسطس، 2020

كيف اتعامل مع الطفل الشقى , لو طفلك شقى اعرفى ازاى تتعاملى معاه

شقاوة الطفل بتبقى مطلوبة ببعض الأحيان بس لما بتبقى الشقاوة بخفة دم و من غير ما يسبب اذى لنفسه و لا لأى طفل تانى  وكمان لما بتبقى بحدود المسموح به

بس به اطفال بيعبروا عن شقاوتهم بإنهم يضربوا اصحابهم او يخربوا بالبيت و هم بيلعبوا و كمان بتبقى حركتهم كتيرة جدا جدا لدرجة ان الأم ما بتبقاش قادرة عليهم هم دول الي بيبقوا المشكلة لإنهم بيسببوا ازعاج لأهاليهم

ومن اهم سبب الشقاوة الي بتوصل لدرجة المشكلة هي ان الأطفال دول بيشوفوا افلام عنيفة و خصوصا لممثلين هم بيحبوهم علشان كده بيحاولوا يقلدوهم بتصرفاتهم و كمان الآباء احيانا بيصبحوا اسباب بتنمية الشقاوة دى عند اطفالهم

بمعنى انهم بيعاملوهم بشكل سيئ زي انهم يصرخوا بو ش الطفل و ده بيخلى الطفل يخاف و بالتالي يعبر عن خوفه بإنه يتشاقى زيادة ده غير ان الكيفية دى بتخلى الطفل يفقد ثقته بنفسه و بتعمل له مشاكل بعقله

يبقى لازم الأهل يتكلموا مع الطفل ده بهدوء و باحترام علشان يقدر الطفل يفهم الغلط الي هو عمله و كمان لازم نبعد عن الضرب لإن الضرب بالحالة دى بيسبب العند عند الطفل ده و يخليه يزود بشقاوته و كمان لازم لما الأم او الأب يكلم الطفل انه يقعد على ركبه و لازم يصبح باصص له علشان ده مش بيخلى الطفل يخاف

وغير كده لازم يبقوا صرحاء مع اطفالهم علشان ينقلوا لهم الأخلاق الكويسة و ما ينفعش نعلم الطفل انه يكذب و كمان لازم ما نزعقش للطفل و بنفس الوقت نتكلم معاه بجدية

عقاب الطفل الشقى لو ما قدرناش ننهى شقاوته دى انه يقعد مدة معينة بسيطة يمكن تبقى 5 دقايق بمكان معين زي اوضته كده ما يتحركش  منها على السرير مثلا و لو امتثل للعقاب و قعد يبقى خلاص بس لو فضل يعمل تصرفاته الشقية دى يبقى نزود لمدة عزله بالمكان الي بنحدده يعني تبقى المدة ربع ساعة او تلت ساعة و كمان لازم الأهل يقبلوا اعتذار الطفل و يحضنوه و يبوسوه بعد الاعتذار

وكمان من المهم قوي انه يتكافئ لو اتصرف بشكل كويس لإن ده هيشجعه يتصرف كويس على طول و بالتالي نبقى خففنا من حدة الشقاوة و خليناها من الشقاوة الي بتعمل مشاكل للشقاوة المسموح فيها و أهم حاجة بقى ان الطفل يمارس رياضة علشان يظهر طاقته السلبية عن طريقها

 

كيف اتعامل مع الطفل الشقى

لو طفلك شقى اعرفى كيف تتعاملى معاه

طرق للتعامل مع الطفل الشقى

 

صور



 

330 views