6:28 صباحًا الأربعاء 17 يوليو، 2019

طريقة عمل الفسيخ فى البيت , اسهل طريقة لعمل اروع فسيخ في البيت

كل سنه و كلكم بخير الربيع قرب يعني الفسيخ يعني الرنجة و البصل و اديها يا مزة

 

 

بس حالات كتير بتحصل فيها تسمم بعد الشر من الفسيخ بتاع برا

 

 

طب نعمل اية و الاكلة دى لذيذة و لذيذة جدا و منقدرش نقاومها

 

 

تعالى معايا يا قمرايه انتي و هي و انا اقولك كيف تعملية في البيت

 

 

واحلى و اطعم و انضف مليون مره من برا و دى اهم حاجة طبعا صحتنا و صحة اولادنا

 

 

بصى بقي انا مش هفتكس و لا اي حاجة و ياريت بلاش حد يفتكس في بهارات دى طريقة ستى و على الاصل دور

 

 

هاتى 4 كيلو سمك بورى و كيس ملح و زيت و شطه و كتريها شوفتى مقاديرنا سهلة و بسيطة كيف

 

 

نبدا بقي بسم الله نفرد السمك على و رقه جورنان لمدة 24 ساعة كاملة في الهوا محدش يغطية خالص بأى حاجه

 

 

وبعد كدة هاتى قطعة قماشة قطنة و ياسلام لو فانله جوزك او ابنك القطن اللي ملهاش لزمه عندة دى بقي تنضفى بيها السمكة كويس من برا فقططط محدش يفتحها طبعا

 

وتنضفى كمان الخياشيم كويس اوي من الدم و كده

 

 

وهاتى طبق و حطى فيه كيس الملح و الشطه حاميه و كتيره عشان متجبش دود و يتقلبوا سوا كويس

 

 

وادهنى بقي الجسم كله و الدماغ بالزيت  عشان يمسك فيه الملح و الشطه في الجسم كله يعني كأنك بتقلبيها في دقيق مثلا قبل القلي

 

 

ونيجى للرأس بقي بتاعت السمكه و نحط الملح بالشطه من جوا الخياشيم و نملاها على الاخر تمام كده

 

 

تعالى بقي هاتى شنط و اهم حاجة يكونوا جداد مفيهمش قطع و لا يدخلوا هوا لجسم السمكة

 

 

وحطى اول شنطه فيها السمك و طلعى منها الهوا كويس و بعدين اربطيها كويس جدا

 

 

وحطيها جوا شنطه تانيه و طبعا برضوا منها الهوا كويس و هكذا على الاقل 7 شنط و اقفليها كويس جدا جدا متنسيش تطلعى الهوا من كل شنطه قبل ما تربطيها

 

 

وكل 24 ساعة اقلبي الشنطه على عكس التانيه يعني انهاردة على و شها بكرة على ضهرها و هكذا و متفتحيش عليها قبل 15 يوم

 

 

لما تفتحى بقي ادعيلى على الطعم و جمال الطعم و هتلاقى اللحم من جوا احمر كدة و يجنن و انضف مليون مره من اكل برا و بالهنا و الشفا يا قمرات

 

 

طريقة عمل الفسيخ في البيت

اسهل طريقة لعمل اروع فسيخ في البيت

 

طرق عمل الفسيخ في البيت

 

صور طريقة عمل الفسيخ فى البيت , اسهل طريقة لعمل اروع فسيخ في البيت

 

 

 

 

صور طريقة عمل الفسيخ فى البيت , اسهل طريقة لعمل اروع فسيخ في البيت

 

 

 

 

 

 

  • صور الفسيخ

93 views

طريقة عمل الفسيخ فى البيت , اسهل طريقة لعمل اروع فسيخ في البيت